Հաշվետվություն/2020-11

Հնվ
Փետ
Մարտ
Ապր․
Մայ
Հուն
Հուլ
Օգստ
Սեպտ
Հոկտ
Նոյ
Դեկտ

2020

Նոյեմբեր

«Գաղտնի կազմակերպություններ և արվեստ» խմբագրաթոն

Նոյեմբեր ամսին Հայերեն Վիքիպեդիայի 75 մասնակից մեծ եռանդով միացան Վիքիմեդիա Հայաստանի կազմակերպած տասնօրյա խմբագրաթոնին։ Այն նախատեսված էր Հայաստանի և Արցախի վիքիակումբների անդամների համար, սակայն միջոցառումը բաց էր և ցանկացած հետաքրքրված անձ կարող էր առաջարկված թեմայով հոդված ստեղծել։ Խմբագրաթոնը հիմնական թեմաները երկուսն էին՝ գաղտնի կազմակերպություններ և արվեստ։ Արվեստի թեման իտալական վերածննդին էր առնչվում՝ նկարիչների կենսագրությանը և ստեղծագործություններին։ Թարգմանելու համար առաջարկվել էին հոդվածներ անգլերեն և ռուսերեն վիքիպեդիաներից, բայց որոշ մասնակիցներ հոդվածներ են ստեղծել նաև այլ աղբյուրներից։

Խմբագրաթոնն ընթացել է նոյեմբերի 16-ից 27-ը։ Վիքիմեդիա Հաայաստանի վիքիակումբների 63 անդամներ և 12 այլ մասնակից ստեղծել են 246 և բարելավել երեք հոդված։ Ընդհանուր առմամբ տվյալ նախագծի ընթացքում Հայերեն Վիքիպեդիան հարստացել է 2,589,142 բայթ տեքստային նյութով։ Խմբագրաթոնի նկատմամբ մեծ հետաքրքրության մասին փաստում է այն, որ խմբագրաթոնի ընթացքում կազմակերպիչները ստիպված են եղել երկու անգամ թարմացնել թարգմանության համար առաջարկվող հոդվածների ցանկը։

Շաբաթօրյա վորքշոփներ

Կորոնավիրուսային համավարակի բռնկումից ի վեր Վիքիմեդիա Հայաստանը շաբաթօրյա վորքշոփները անցկացվում են առցանց ձևաչափով։

Նոյեմբեր ամսին անցկացվել են 4 վորքշոփներ նախապես պլանավորած թեմաներով։ Այս անգամ վորքշոփները վարել են ինչպես «Ուսուցիչների առցանց դասընթացների», այնպես էլ «Վիքիպեդիայի երկրորդ առցանց դասընթացների» մարզիչները։

Վորքշոփներին միաժամանակ մասնակցել են և՛ փորձառու խմբագիրներ և՛ նորեկներ։ Օրվա թեմայի ավարտից հետո հարց-պատասխան տարբերակով քննարկվել են մասնակիցներին հետաքրքրող հարցերը՝ ինչպես թեմայի շրջանակներում, այնպես էլ թեմայից դուրս։

Վորքշոփներին ավելի քան 60` 20 նորեկ և 51 կին մասնակիցներ ծանոթացել են Վիքիպեդիայի տարատեսակ գործիքներին, խմբագրաթոնների մասնակցության կարգին, հուշարձանների նկարներ բեռնելու և դրանց մասին հոդվածներ գրելու կարգին։

Վորքշոփներից մեկի ժամանակ Վիքիակումբական, ինչպես նաև Վիքիճամբարականներից մեկը պատմեց «Գաղտնի կազմակերպություններ և արվեստ» խմբագրաթոնի շրջանակներում իր բարելաված երկու հոդվածների բովանդակության, դրանց ընտրության հարցում իր մոտիվացիայի մասին։

Վիքիակումբների հաշվետվություն

Նոյեմբեր ամիսը վիքիակումբների համար շատ հագեցած էր։ Ամսվա ընթացքում ակումբները աշխատել են ինչպես օնլայն, այնպես էլ օֆլայն` պահպանելով կորոնավիրուսից պաշտպանվելու կանոնները։ Ակումբներում օֆլայն աշխատանքների ժամանակ մասնակիցների քանակը չի գերազանցել 8 հոգին։ Ակումբների տարածքը և գույքը պարբերաբար ախտահանվել է, մասնակիցները կրել են դիմակներ և պահպանել են սոցիալական հեռավորությունը։ Ամսվա ընթացքում ակումբները մասնակցել են մի շարք նախագծերի։ Առավել ակտիվ ակումբականները մասնակցել են «Գաղտնի կազմակերպություններ և արվեստ» խմբագրաթոնին, որին ներգրավվել է 63 ակումբական։

Դդմաշենի վիքիակումբը իր համար ստեղծել է «կանաչ անկյուն», որտեղ կան տարբեր բույսեր։ Բույսերի մշակմամբ և ամեն խնամքով զբաղվում են ակումբականները։ Ակումբականները լուսանկարում են բույսերը, հավաքում դրանց անունները նկարագրության հետ, որպեսզի հետագայում ներբեռնեն վիքիպահեստ։ Ակումբը նաև շարունակում է աշխատանքները վիքիդարանում, ամսվա ընթացքում սրբագրվել և վերջնական տեսքի են բերվել Շիրվանզադեի երկերի ժողովածուն։

Կողբի վիքիակումբում ամսվա ընթացքում անցկացվել է տեսազանգ Վիքիբառարանում բառի խմբագրման և բարելավման թեմայով, ինչպես նաև Վիքիպեդիայում խմբագրման ընդհանուր կանոնների մասին:

Նոյեմբերի 26-ին Հացիկի վիքիակումբում անցկացվել է ժամանակակից արվեստներին նվիրված տեսանյութերի դիտում և կարծիքների փոխանակում, որի արդյունքում խմբագիրները ծանոթացել են ժամանակակից արվեստներից Սփին արտի, Tape artի և Հիբրիդային արվեստի հետ, որոնց մասին նյութերը ստեղծվել էին խմբագրաթոնի շրջանակներում։

Ալավերդու վիքիակումբում նորից ընտրվել են նախորդ ամսվա լավագույն հոդվածները՝ Անմաքս առևտրի խանութ,Ռոբինսոն Ստևենեն, Ալ-Հարամ մզկիթ։ Նոյեմբերի 28-ին վիքիակումբերից շատերը մասնակցել են Վանաձորի կերպարվեստի թանգարանում կայացած «Արթ+ֆեմինիզմ» խմբագրաթոնին, որի ժամանակ ոչ միայն ստեղծել են հոդվածներ, այլև զարգացրել են իրենց գիտելիքները Վիքիտվյալներում աշխատելու վերաբերյալ։

Քարվաճառի, Տողի և Ստեփանակերտի ակումբների աշխատանքները վերջին երկու ամիսների ընթացքում տեղի են ունեցել շատ ծանր պայմաններում՝ պատերազմով պայմանավորված։ Այս պահի դրությամբ Տող գյուղը և Քարվաճառ քաղաքը հսկվում են Ադրբեջանի Հանրապետության կողմից։ Ակումբները շարունակում են աշխատել օնլայն, չնայած որ գտնվում են տարբեր վայրերում և փաստացի չեն կարող վերադառնալ իրենց բնակավայրեր։

Վիքիակումբների վիճակագրություն

Վիքիակումբ	Մասնակիցներ	Բնակչություն	Բայթեր+ (Վիքիպեդիա)	Հոդվածներ (պ)	Բայթեր+ (Վիքիբառարան)	Հոդվածներ (բ)	Բայթեր+ (Վիքիդարան)	Ստեղծված (դ)	Սրբագրված (դ)	Հաստատված (դ)
Ալավերդի	35	13000	933685	85	321	0	0	0	0	0
Արևածագ	66	960	380920	34	0	0	0	0	0	0
Գյումրի (Խրիմյան Հայրիկ 46)	32	121976	264079	7	0	0	0	0	0	0
Գորիս	31	20300	308524	33	0	0	0	0	0	1
Դդմաշեն	25	2876	1117472	47	0	0	176708	78	82	67
Լեռնապատ	93	2279	1561659	158	0	0	132818	38	49	0
Կողբ	34	5300	217785	25	11836	25	11	0	2	0
Հացիկ	21	1044	542766	61	0	0	0	0	0	0
Սպիտակ	43	13000	335248	21	0	0	110023	45	106	1
Ստեփանակերտ	23	55200	198645	11	0	0	0	0	0	0
Քարվաճառ	27	500	307537	35	0	0	0	0	0	0
Արճիս	11	1109	82442	11	0	0	0	0	0	0
Գանձաքար	6	3656	26861	4	0	0	0	0	0	0
Գոշ	14	1218	28103	5	0	0	0	0	0	0
Նոյեմբերյան (2-րդ դպրոց)	15	5000	12513	2	0	0	0	0	0	0
Նոյեմբերյան (ավագ դպրոց)	16	5000	318310	20	0	0	0	0	0	0
Վերին Կարմիրաղբյուր	8	1837	243452	16	0	0	0	0	0	0
Կիրանց	12	298	5673	1	0	0	0	0	0	0
Գյումրի (Շահումյան 69)	79	121976	56418	1	0	0	0	0	0	0
Մրգավան	61	1725	190657	6	0	0	0	0	0	0
Վանաշեն	49	2573	5356	1	0	0	0	0	0	0
Վարդենիկ	68	9880	11881	1	1618	0	0	0	0	0
Ընդամենը	860	403458	7149986	585	13775	25	421128	162	239	70