Հաշվետվություն/2020-03

Վիքիմեդիա Հայաստան-ից
Jump to navigation Jump to search

Հնվ
Փետ
Մարտ
Ապր․
Մայ
Հուն
Հուլ
Օգստ
Սեպտ
Հոկտ
Նոյ
Դեկտ

2020
Մարտ
Wikimedia Armenia logo.svg

Հայաստանի հուշարձանների նախագիծ

Garni Armenien msu-2018-3178.jpg

Վերջին շրջանում հաճախակի է դարձել Վիքիմեդիա Հայաստանի անդամների կողմից Հայերեն Վիքիպեդիայում թեմատիկ նախագծերի ու համագործակցությունների կազմակերպումը։

Վիքիմեդիա Հայաստան կազմակերպության անդամ Սողոմոն Մաթևոսյանը սույն թվականի մարտի 1-ից 31-ը կազմակերպել և իրականացրել է Հայաստանի հուշարձանների նախագիծ, որի շրջանակներում ստեղծվել ու բարելավվել են Հայաստանի տարածքում գտնվող պատմամշակութային հուշարձանների մասին բազմաթիվ հոդվածներ։

Հայաստանի հուշարձանների նախագիծ
Մասնակիցներ 21, ներառյալ սկսնակներ
Ստեղծված հոդվածներ 125
Բարելավված հոդվածներ 40
Բայթեր 1 759 679

Հայ կրթական հիմնարկության կրթաթոշակառուների հետ դասընթաց

2020 թվականի մարտի 1-ից Վիքիմեդիա Հայաստանը Վիքիպեդիայի դասընթաց է սկսել Հայ կրթական հիմնարկության կամավորների հետ Հայերեն։ Դասընթացի նպատակն է ծանոթացնել կամավորներին Վիքիպեդիայի գործիքակազմին և սովորեցնել, թե ինչպես կարելի է խմբագրել Հայերեն Վիքիպեդիայում:

Դասընթացը տևելու է 4 ամիս։ Մարտ ամսին տեղի է ունեցել 4 դասընթաց, որոնցից մեկը օֆլայն, իսկ երեքը՝ օնլայն։ Այդ ընթացքում կամավորները տեղեկություններ են ստացել Վիքիպեդիայի, Վիքիմեդիա Հայաստանի և Վիքիշարժման մասին։ Հետագա դասըթացների ժամանակ նրանք սովորել են խմբագրել Վիքիպեդիայում և ստեղծել նոր հոդվածներ։ Օնլայն դասըթացներն իրակացվել են նախօրոք մշակված օֆլայն ուսումնական պլանով և նույն կերպ շարունակվել։ Այս մեկ ամսում ընդհանուր առմամբ 9 մասնակցի կողմից ստեղծվել է 32 նոր հոդված 1 262 228 բայթ ընդհանուր ծավալով։ Դասըթացները շարունակվելու են նույն ձևաչափով մինչև արտակարգ դրության ավարտը:

Արվեստը Վիքիակումբներում

Արվեստը Վիքիակումբներում (արդյունքներ), 2020 մարտ.jpg

2020 թվականի մարտի 15-ին վիքիակումբներում սկսվեց արվեստին նվիրված խմբագրաթոն։ Խմբագրաթոնը նպատակ ուներ մասնակիցների մոտ ավելացնել արվեստի նկատմամբ հետաքրքրությունը, ծանոթացնել արվեստի տարատեսակ ճյուղերին։

Խմբագրաթոնի մեկնարկից հետո ակումբականները սկսել ենակտիվորեն խմբագրել, ստեղծվել են բազմատեսակ հոդվածներ արվեստի տարբեր ուղղությունների վերաբերյալ: Մարտի 30-ին ավարտվեց երկու շաբաթ տևած խմբագրաթոնը, որին մասնակցել է 76 ակումբական և համատեղ ջանքերով ստեղծվել է 369 հոդված, ընդհանուր առմամբ կատարվել է 3 131 325 բայթի ներդրում։

Արդյունքները ամփոփելուց հետո ընտրվել են յուրաքանչյուր ակումբի լավագույն խմբագիրները, ինչպես նաև ամբողջ խմբագրաթոնի լավագույն խմբագիրը։ Հոդվածների քանակը և մասնակիցների ակտիվությունը վկայում է ծրագրի հաջող ընթացքի ու հետաքրքրության մասին։

ԵՊԼՀ ուսանողների ուսումնաարտադրական պրակտիկա

Results of Wikipedia training for the students of Brusov State University, 2020 March.jpg

2020 թվականի փետրվարի 11-ից Վիքիմեդիա Հայաստանի գրասենյակում սկսվել է Երևանի պետական լեզվահասարակագիտական համալսարանի հետ համագործակցության շրջանակներում իրականցվող նույն համալսարանի թարգմանության և միջմշակութային հաղորդակցման ֆակուլտետի ուսանողների դասընթացը, որն իրականացվել է նրանց ուսումնաարտադրական պրակտիկայի ժամանակ։ 6 շաբաթ տևած դասընթացի շրջանակներում, որն ավարտվել է 2020 թվականի մարտի 23-ին, 30 մասնակիցների համատեղ ուժերով ստեղծվել է 153 նոր հոդված, բարելավվել՝ 7 հոդված, կատարվել՝ 822 խմբագրում՝ ընդհանուր առմամբ 5 198 252 բայթի ներդրում։

Դասընթացի առաջին շաբաթվա ընթացքում ուսանողները ձեռք են բերել խմբագրելու համար անհրաժեշտ հմտությունները։ Երրորդ շաբաթում ուսանողների հետ անցկացվել է դասընթաց, որի ժամանակ նրանց տրվել են տեղեկություններ վիքիի տարբեր հարթակների և նրանցից օգտվելու ու հարստացնելու մասին, ինչպես նաև ավելի մանրամասն ներկայացվել է Վիքիմեդիա Հայաստանի գործունեությունը։ Հինգերորդ շաբաթվա վերջում մասնակիցների հետ իրականացվել են ստեղծված հոդվածների ստուգում, ներկա ուսանողները բաժանվել են երկու անձից բաղկացած խմբերի, և յուրաքանչյուրը պատահականության սկզբունքով ընտրել է հոդվածներ ու ստուգել։ Արդյունքում միայն այդ օրվա ընթացքում ստուգվել է մոտ 40 հոդված։ Վեցերորդ շաբաթում, կապված կորոնավիրուսի համաճարակի բռնկման հետ, աշխատանքները շարունակվել են օնլայն, որի ժամանակ տեսազանգերի միջոցով իրականացվել է հարց -պատասխան ուսանողնների հետ։

WikiGap արշավ

Արմինե Աղայանի կողմից

ՎիքիԳեփ հայաստանյան արշավը հնարավոր է դարձել Հայաստանում Շվեդիայի դեսպանության և Վիքիմեդիա Հայաստանի համագործակցության շնորհիվ։ Արշավը լայն և բազմաբնույթ մասնակցության հնարավորություն է ընձեռում ինչպես փորձառու, այնպես էլ սկսնակ վիքիխմբագիրների համար: Արշավի ընթացքում վիքիխմբագիրները մասնակցում են խմբագարաթոնին՝ ստեղծելով կամ բարելավելով կանանց մասին հոդվածներ։

Ներկայումս Վիքիպեդիայում կենսագրությունների 80 տոկոսը տղամարդկանց մասին է։ Արշավի նպատակն է վիքի տիրույթում լրացնել կանանց մասին տեղեկատվության բացը: Արշավը մեկնարկել է սույն թվականի մարտի 7-ին՝ Վիքիմեդիա Հայաստան կազմակերպության գրասենյակում կազմակերպված «Կանայք քաղաքականության, գիտության, տեխնոլոգիայի և մշակույթի բնագավառում» խորագրով խմբագրաթոնով: Այնուհետև արշավը շարունակվել է առցանց խմբագրումների միջոցով և տևել մինչև մարտի 14-ը:

Ընդհանուր առմամբ արշավին մասնակցել է 63 հոգի՝ ստեղծելով 460 հոդված:

Վիքիակումբների հաշվետվություն

2020 թվականի մարտ ամսին վիքիակումբները բավականին ակտիվորեն մասնակցել են Հայերեն Վիքիպեդիայի զարգացման աշխատանքներին։ Մարտի 1-ից մինչև մարտի 30-ը 27 վիքիակումբները համատեղ ուժերով Վիքիդարանում սրբագրել են 769 էջ՝ 1 694 777 բայթ ընդհանուր ծավալով, իսկ Հայերեն Վիքիպեդիայում կատարելով 11655 խմբագրում՝ ստեղծել են 1559 հոդված՝ 14 276 172 բայթ ընդհանուր ծավալով։ Ամսվա ընթացքում ակումբները մասնակցել են Հայերեն Վիքիպեդիայի բազմաթիվ նախագծերի, որոնցից են «WikiGap», «CEE spring 2020», «Art+Faminism 2020» և «Արվեստը վքիակումբներում»։

Ակումբները շատ ակտիվ մասնակցել են հենց իրենց համար կազմակերպված խմբագրաթոնին՝ «Արվեստը Վիքիակումբներում», որի ժամանակ ցույց են տվել լավ արդյունք թե՛ մասնակիցների թվով և թե՛ ստեղծված հոդվածներով։ Մարտի 12-ից վիքիակումբները անցել են օնլայն աշխատանքի տիրույթ և իրենց դասերը ու աշխատանքները իրականացրել են տարբեր հարթակների միջոցով։

Մարտի 3-ին լրացել է Լեռնապատի վիքիակումբի գործունեության 5 տարին, որին նվիրված անցկացվել է խմբագրաթոն, որի ընթացքում ստեղծվել է ութ հոդված։ Մարտի 12-ին վիքիդասարանը կենսաբանության դասին ներկայացրել է Առողջ ապրելակերպ հոդվածը, որը բարելավվել է հենց ակումբի մասնակիցների կողմից, իսկ յոթերորդ դասարանցիներն աշխարհագրության դասին ներկայացրել են իրենց թարգմանած «Գյուղատնտեսության պատմություն» հոդվածը։

Մարտի 21-ին Ալավերդու վիքիակումբը նշել է երկու կարևոր տոն՝ պոեզիայի և անտառների միջազգային օրերը։ Այս տոներին նվիրված առցանց վորքշոփի ընթացքում համատեղ ուժերով ստեղծվել է տոների մասին պատմող հոդվածները (Պոեզիայի համաշխարհային օր, Անտառների միջազգային օր)։ Պոեզիայի համաշխարհային օրը նշել են նաև Գորիսի վիքիակումբում, որի մասնակիցները արտասանել են տարբեր գրողների ստեղծագործություններ և տեսանկարահանել ու տեղադրել ակումբի ֆեյսբուքյան էջում։

Մարտին Քարվաճառի վիքիակումբի խմբագիրներից Գայանե Մարգարյանի վիքի-պատմության մասին ներկայացնող հոդվածը հրապարակվել է Վիքիմեդիա կրթական բլոգում։

Դդմաշենի վիքիակումբը աշխատանքներ է տարել նաև Վիքիպահեստում. ակումբականները լուսանկարներ են բեռնել բնության, բույսերի և ծաղիկների հետ կապված:

Վիքիակումբների վիճակագրություն

Վիքիակումբ Մասնակիցներ Բնակչություն Բայթեր+ (պ) Բայթեր- (պ) Խմբագրումներ (պ) Հոդվածներ (պ) Բայթեր+ (բ) Բայթեր- (բ) Խմբագրումներ (բ) Հոդվածներ (բ) Բայթեր+ (դ) Բայթեր- (դ) Խմբագրումներ (դ) Ստեղծված (դ) Սրբագրված (դ) Հաստատված (դ)
Գյումրի (Խրիմյան Հայրիկ 46) 12 121976 165610 0 21 5 0 0 0 0 15194 0 5 5 5 0
Ալավերդի 32 13000 995712 -17170 696 111 1761 -2 43 1 2775 -31 4 1 4 0
Արևածագ 63 960 676339 -7739 788 85 0 0 0 0 37168 -956 21 16 21 0
Գյումրի (Շահումյան 69) 79 121976 55910 -2 6 0 0 0 0 0 4854 0 1 1 1 0
Գորիս 19 20300 399649 -39780 721 50 0 0 0 0 17501 -236 41 12 23 15
Դդմաշեն 22 2876 1913516 -28802 2565 202 2 0 1 0 179866 -226 125 65 124 0
Լեռնապատ 68 2279 2317994 -58607 2103 193 0 -60 2 0 96309 -75749 259 28 30 221
Կողբ 33 5300 238435 -1114 190 22 7821 0 20 15 19351 -1 8 6 6 0
Հացիկ 21 1044 979073 -4423 240 117 19433 -278 113 33 176085 -89 74 59 65 7
Մրգավան 61 1725 1489450 -42980 1608 170 0 0 0 0 7307 -140 4 2 3 0
Սպիտակ 40 13000 78521 -57 49 8 0 0 0 0 608558 -920 522 203 215 287
Ստեփանակերտ 243 55200 1027460 -107244 416 84 0 0 0 0 0 0 0 0 0 0
Վանաշեն 49 2573 49527 0 13 7 0 0 0 0 4552 0 2 2 2 0
Վարդենիկ 66 9880 177839 -442325 464 51 803 -4 10 2 69 0 3 1 0 0
Տող 39 700 167296 0 34 25 0 0 0 0 38706 -1082 47 10 17 25
Քարվաճառ 32 500 846799 -4153 216 115 4422 -5178 155 15 8507 -25 9 4 3 4
Այգեձոր 15 2608 80732 -6234 70 9 0 0 0 0 0 0 0 0 0 0
Արճիս 10 1109 331239 -4792 562 48 0 0 0 0 0 0 0 0 0 0
Բերդ 26 7800 32120 -12 9 5 0 0 0 0 71568 -300 158 3 51 72
Գանձաքար 7 3656 31819 -150 24 5 0 0 0 0 0 0 0 0 0 0
Գոշ 14 1218 572858 -2373 148 58 0 0 0 0 0 0 0 0 0 0
Լուսահովիտ 14 390 0 0 0 0 0 0 0 0 68853 -926 56 22 50 5
Կիրանց 16 298 54093 -454 34 7 0 0 0 0 337554 -2040 159 117 149 0
Նոյեմբերյան (2-րդ դպրոց) 14 5000 175909 -501 137 20 0 0 0 0 0 0 0 0 0 0
Նոյեմբերյան (ավագ դպրոց) 21 5000 778887 -8654 406 86 0 0 0 0 0 0 0 0 0 0
Սարիգյուղ 8 1253 71676 -83 18 6 0 0 0 0 0 0 0 0 0 0
Վերին Կարմիրաղբյուր 8 1837 567709 -1949 127 70 0 0 0 0 0 0 0 0 0 0
Ընդամենը 1032 403458 14276172 -779598 11665 1559 34242 -5522 344 66 1694777 -82721 1498 557 769 636

Մնա՛ տանը, խմբագրի՛ր Վիքիպեդիա

Պայմանավորված աշխարհում տիրող համաճարակային դրությամբ՝ սույն թվականի մարտի 13-ին Վիքիմեդիա Հիմնադրամի կողմից պահանջ է ներկայացվել դադարեցնել բոլոր օֆլայն միջոցառումները և հնարավորության դեպքում իրականացնել դրանք օնլայն հարթակում: Միևնույն ժամանակ պայմանավորված Հայաստանում հայտարարված արտակարգ դրությամբ՝ Վիքիմեդիա Հայաստանը որոշում է կայացրել դադարեցնել հանրային բոլոր միջոցառումները, որոնք նախատեսում էին մարդկանց հավաք: Արդյունքում չեղարկվել են ուսուցիչների համար նախատեսված Վիքիդասընթացը, «Վիքին սիրում է գիտություն» երկու միջոցառումները, ինչպես նաև ճամբարներն ու այն բոլոր դասընթացներն ու վորքշոփները, որոնք իրականացվում էին Վիքիմեդիա Հայաստան կազմակերպության գրասենյակում:

Ստեղծված իրավիճակում Վիքիմեդիա Հայաստանը սկսել է աշխատել առցանց՝ կազմակերպելով տարբեր խմբագրաթոններ և նախագծեր, որոնց նպատակն է պահպանել ակտիվությունը Վիքիպեդիայում և վիքի հարթակներում և հարստացնել դրանք նոր հոդվածներով և նյութերով: Միևնույն ժամանակ Վիքիմեդիա Հայաստանը ֆեյսբուքում սկսել է ակտիվորեն շրջանառել «Մնա՛ տանը, խմբագրի՛ր Վիքիպեդիան» կարգախոսը և նույնանուն շրջանակը: Վիքիմեդիա Հայաստանի բոլոր քայլերն ուղղված են ստեղծված իրավիճակում վիքիհամայնքի ակտիվության համար հնարավորություններ ստեղծելուն:

Մամուլի անդրադարձ

Այս ամիս Վիքիմեդիա Հայաստանը մեկ հոդված է ներկայացրել Վիքիմեդիա Հիմնադրամի կրթական ամսագրում։ «Զարգացնելով Հայերեն Վիքիպեդիան մասնագիտական հոդվածներով» հոդվածը ներկայացնում է Քարվաճառի Վիքիակումբի անդամ Գայանե Մարգարյանի վիքիպատմությունը:

Շաբաթօրյա վորքշոփներ

Յուրաքանչյուր շաբաթ Վիքիմեդիա Հայաստանն իր գրասենյակում կազմակերպում է բաց վորքշոփ-խմբագրաթոններ, որին մասնակցում են թե՛ նոր և թե՛ հին խմբագիրներ։ Նոր խմբագիրները փորձառու խմբագիրների օգնությամբ սովորում են խմբագրել տարբեր Վիքիմեդիա նախագծերում։ Վորքշոփին սովորաբար մասնակցում են բոլոր նրանք, ովքեր հետաքրքրված են Վիքիմեդիա նախագծերով, վիքիխմբագրմամբ և նրանք, ովքեր ցանկանում են պարզապես խմբագրել հաճելի միջավայրում։ Պայմանավորված համաճարակային իրավիճակով, երկրում հայտարարված արտակարգ դրությամբ՝ Վիքիմեդիա Հայաստանը որոշում է կայացրել չեղարկել բոլոր օֆլայն միջոցառումները, այդ թվում նաև շաբաթօրյա վորքշոփները: