Հաշվետվություն/2019-11

Վիքիմեդիա Հայաստան-ից
Jump to navigation Jump to search

Հուն
Հուլ
Օգստ
Սեպտ
Հոկտ
Նոյ
Դեկտ

2019
Հոկտեմբեր
Wikimedia Armenia logo.svg

Քագելի զեկույց

Հոկտեմբերի 31-ից նոյեմբերի 6-ը Գերմանիայում՝ Քագելում և Էլսենսեում, տեղի է ունեցել «Երիտասարդները հիշողության համար՝ կիսվելով մեթոդներով, թե ինչպես խրախուսել նոր սերնդին քննադատաբար անդրադառնալ եվրոպական պատմությանը» սեմինարը, որը կազմակերպվել էր SCI-ի կողմից։

Սեմինարի նպատակն էր փոխանակվել ոչ ֆորմալ կրթական մեթոդներով, լավագույն փորձով և իրազեկվածությունը բարձրացնող մեթոդներով՝ երիտասարդների շրջանում հիշելու, պատմությունը քննադատաբար վերլուծելու հմտությունները զարգացնելու և ներկայի հետ կապը տեսնելու միտումով։ Սեմինարի մեկ այլ նպատակ էր հնարավորություն տալ երիտասարդներին դառնալ առավել ակտիվ քաղաքացիներ՝ համախմբվելով հիշատակման և խաղաղության կազմակերպություններին վերապատրաստելու շուրջ՝ օգտագործելով առցանց մոտեցումներ խաղաղության և հիշատակման օֆլայն աշխատանքների ն զուգահեռ (օրինակ՝ հիշատակման հարցի շուրջ Վիքիպեդիայի նախագծերի և պոդքասթների իրականացում) և պատրաստելով սոցիալական մեդիայի վրա կենտրոնացած կազմակերպություններին աշխատել հիշատակման հարցի շուրջ։

Հիշատակման թեմային նվիրված սեմինարին մասնակցությունն ինձ համար հրաշալի հնարավորություն էր։ Սեմինարի ընթացքում մենք ունեցել են հետաքրքիր քննարկումներ հիշատակման տարբեր թեմաների վերաբերյալ՝ սկսած հիշատակման մշակույթի գաղափարից, պատմությանը քննադատաբար անդրադառնալու մեթոդներից և հիշատակման պրակտիկայից մինչև անցած իրադարձությունների հիշատակում և հուշարձանների կարևորություն՝ իբրև հիշողությունները պահպանման միջոց։ Այս քննարկումները շատ օգտակար էին ինձ համար, քանի որ դրանք նոր գաղափարներ ծնեցին ինձ մոտ՝ միևնույն ժամանակ պատասխանելով բազմաթիվ հարցերի։

Սեմինարը ինձ հնարավորություն տվեց մոտիկից ծանոթանալ տարբեր երկրներում առկա հիշատակման արժանի տարբեր խնդիրներին, տեղեկանալ հիշատակման ընդհանուր պրակտիկաներին և կիսվել սեփական փորձով։ Սա նաև հրաշալի հարթակ էր միջմշակութային հաղորդակցության համար, որի ընթացքում ես փորձեցի հասկանալ և սովորել տարբեր մշակութային ծագումնաբանությունների մասին։ Սակայն ամենաշատը ինձ տպավորեց մտերմիկ և ջերմ մթնոլորտը։ Ես ուրախ եմ, որ այս սեմինարը ինձ հնարավորություն տվեց ծանոթանալու աշխարհի տարբեր եզրերից շատ մարդկանց հետ և ես ուրախ եմ, որ հետագայում ևս կպահպաեմ նրանց հետ կապը։

Քննարկումների ընթացքում ես ներկայացրի նաև Վիքիպեդիան՝ իբրև գործիք, որը կարող է օգնել հիշատակման աշխատանքներին։ Մասնավորապես, սեմինարի մասնակիցներին ներկայացրել եմ, թե ինչպես է Վիքիպեդիան գործում և ինչպիսի հնարավորություններ է ընձեռնում խմբագիրներին։ Առանձին անդրադարձ է եղել ԳԼԱՄ (պատկերասրահներ, գրադարաններ, արխիվներ և թանգարաններ) նախագծերին՝ իբրև հիշատակման համար գործիք։ Իբրև հայկական ԳԼԱՄ նախագծի փորձ՝ ես ներկայացրի «Վիքին սիրում է Երևանը» նախագիծը, որը իրականացվել է անցյալ տարի քաղաքի 2800-ամյակի կապակցությամբ, որին մասնակցել են մշակութային 17 տեղական հաստատություններ։ Սեմինարի ընթացքում շեշտվեց նմանատիպ հաստատությունների հետ համագործակցության կարևորությունը, հատկապես նրանց, որոնք ներգրավված են հիշատակման աշխատանքների մեջ։ Քննարկում եղավ նաև ամեն տարի կազմակերպված «Վիքի սիրում հուշարձաններ» լուսանկարների մրցույթի վերաբերյալ, որը կարող է նաև նպաստել մշակութային ժառանգության վայրերի և հիշատակի վայրերի փաստաթղթավորմանը։

Սեմինարի ընթացքում մենք ունեցանք հատուկ նստաշրջան, որտեղ յուրաքանչյուր մասնակից պետք է մտածեր իրենց հետագա նախագծերի մասին: Ես բրեյնսթորմինգ իրականացրի և արդյունավետ քննարկում ունեցա Վիքիմեդիա Ուկրաինայից Անտոն Պրոցյուկի հետ և Վիքիմեդիա Ավստրիայից Թոմաս Շալհարտի հետ և որոշեցի Վիքիպեդիայում հիշատակման թեմայի շուրջ նախագիծ սկսել՝ ներառելով անգլերեն Վիքիպեդիայից հոդվածներ և դրանք թարգմանելով հայերեն, ուկրաիներեն և գերմաներեն: Սեմինարի շրջանակներում մենք այցելեցինք նաև հիշատակի հատուկ վայրեր, մասնավորապես ԳԴՀ նախկին բանտ և նացիստական աշխատանքային ճամբար, որը վերջերս վերածվել է փաստաթղթավորման կենտրոնի: Երկու կենտրոնում ես ձեռք բերեցի անձնական պայմանավորվածություններ այդ երկու հաստատությունների ներկայացուցիչների հետ՝ ստանալու հատուկ նյութեր և անգլերեն Վիքիպեդիայում ստեղծելու այս երկու կարևոր կենտրոնների վերաբերյալ հոդվածներ: Այս նյութերը այնուհետև կթարգմանվեն հայերեն, ուկրաիներեն և գերմաներեն:

Վիքիդասընթաց Տավուշի ուսուցիչների համար

«Վիքիմեդիա Հայաստան» կազմակերպության նախագահի և Տավուշի մարզպետի միջև ստորագրված հուշագրի համաձայն Տավուշի մարզի բոլոր համայնքներում պետք է բացվեն Վիքիակումբներ։ Այս գործընթացը առավել արագ և արդյունավետ իրականացնելու նպատակով Վիքիմեդիա Հայաստանը կազմակերպում է Վիքիդասընթացներ Տավուշի մարզի ուսուցիչների համար, որի նպատակն է ծանոթացնել ուսուցիչներին Վիքինախագծերին և դրանց խմբագրման սկզբունքներին։

Շարունակելով օգոստոս ամսին տեղի ունեցած առաջին Վիքիդասընթացի հաջող փորձը հոկտեմբերի 23-24-ին կազմակերպվեց ևս մեկ դասընթաց Տավուշի ուսուցիչների համար՝ այս անգամ Տավուշի մարզկենտրոն Իջևանում։ Երկօրյա դասընթացին մասնակցել է 11 հոգի։

Ընդհանուր առմամբ դասընթացը համակարգում էին փորձառու 4 Վիքիխմբագիրները։ Դասընթացին մասնակցում էին և՛ փորձառու ուսուցիչներ, և՛ նորեկներ։ Նորեկների հետ աշխատանքը տարվում էր առաձին՝ ծանոթացնելով նրանց Վիքիպեդիայի սկզբունքներին և խմբագրման գործընթացին։ Փորձառու ուսուցիչների հետ աշխատանքի ընթացքում ամրապնդվել են նրանց վիքիգիտելիքները, ներկայացվել են խմբագրման ընթացքում հաճախ հանդիպող սխալները, քննարկվել են ծագած խնդիրները և հարց ու պատասխանի միջոցով ամփոփվել է դասընթացը։

Վիքիակումբների վիճակագրություն

Վիքիակումբ Մասնակիցներ Բնակչություն Բայթեր+ (պ) Բայթեր- (պ) Խմբագրումներ (պ) Հոդվածներ (պ) Բայթեր+ (բ) Բայթեր- (բ) Խմբագրումներ (բ) Հոդվածներ (բ) Բայթեր+ (դ) Բայթեր- (դ) Խմբագրումներ (դ) Ստեղծված (դ) Սրբագրված (դ) Հաստատված (դ)
Գյումրի (Խրիմյան Հայրիկ 46) 13 121976 51452 -52 4 1 0 0 0 0 67882 -251 100 30 0 99
Ալավերդի 89 13000 805313 -95932 331 59 23333 -682 332 23 38680 -1 16 15 15 0
Արևածագ 127 960 46607 -75 88 13 141714 -3457 1080 248 91138 -29 54 36 11 43
Գյումրի (Շահումյան 69) 78 121976 47780 -52 3 0 0 0 0 0 2567 -2 4 3 0 4
Գորիս 67 20300 161726 -4597 446 27 6 -1 6 0 513472 -2703 460 230 251 183
Դդմաշեն 87 2876 1860406 -34303 1294 84 35000 -92 109 67 94527 -54 96 26 67 29
Լեռնապատ 312 2279 1600814 -165007 1153 92 0 0 0 0 763355 -50445 672 260 609 44
Կողբ 98 5300 140956 -5887 91 9 76611 -767 237 157 48370 -6808 93 0 82 2
Հացիկ 44 1044 231695 -1161 135 40 9737 -15 27 15 395810 -1576 679 187 672 2
Մրգավան 59 1725 732945 -35894 322 90 0 0 0 0 36513 -4260 131 11 127 4
Սպիտակ 88 13000 25116 -1300 41 8 0 0 0 0 93489 -335 174 28 153 19
Ստեփանակերտ 242 55200 126522 -533 58 14 0 0 0 0 0 0 0 0 0 0
Վանաշեն 49 2573 0 0 1 0 0 0 0 0 434121 -226 237 168 231 6
Վարդենիկ 66 9880 158694 -34960 691 40 39119 -2640 256 71 469367 -240 386 117 385 0
Տող 81 700 31078 -215 13 6 509 0 1 1 197724 -8140 167 51 135 32
Քարվաճառ 105 500 419360 -3274 175 61 35871 -1143 391 40 309988 -1951 363 110 346 17
Այգեձոր 13 2608 6466 0 2 1 0 0 0 0 0 0 0 0 0 0
Արճիս 8 1109 35896 -165 14 6 0 0 0 0 166294 -252 98 69 45 52
Բերդ 24 7800 1438 0 1 1 0 0 0 0 301797 -4570 438 107 368 9
Գանձաքար 6 3656 54978 -46 23 10 0 0 0 0 0 0 0 0 0 0
Գոշ 12 1218 151858 -21 46 25 0 0 0 0 19382 -1 18 8 12 6
Լուսահովիտ 12 390 0 0 0 0 0 0 0 0 10944 -53 13 4 0 13
Կիրանց 12 298 0 0 0 0 0 0 0 0 466077 -3020 343 160 62 274
Նոյեմբերյան (2-րդ դպրոց) 13 5000 168450 -594 65 16 0 0 0 0 0 0 0 0 0 0
Նոյեմբերյան (ավագ դպրոց) 18 5000 370157 -11883 168 41 0 0 0 0 89234 -16 45 38 43 1
Սարիգյուղ 7 1253 26049 -1546 33 3 0 0 0 0 0 0 0 0 0 0
Ընդամենը 1730 401621 7255756 -397497 5198 647 361900 -8797 2439 622 4610731 -84933 4587 1658 3614 839

Շաբաթօրյա վորքշոփներ

Յուրաքանչյուր շաբաթ Վիքիմեդիա Հայաստանն իր գրասենյակում կազմակերպում է բաց վորքշոփ-խմբագրաթոններ, որին մասնակցում են թե՛ նոր և թե՛ հին խմբագիրներ։ Նոր խմբագիրները փորձառու խմբագիրների օգնությամբ սովորում են խմբագրել տարբեր Վիքիմեդիա նախագծերում։ Վորքշոփին սովորաբար մասնակցում են բոլոր նրանք, ովքեր հետաքրքրված են Վիքիմեդիա նախագծերով, վիքիխմբագրմամբ և նրանք, ովքեր ցանկանում են պարզապես խմբագրել հաճելի միջավայրում։