Հայտարարություններ/Ուսուցչական վիքիհավաք/Վիքիմեդիա Հայաստանը կազմակերպում է ուսուցչական թվով 8-րդ վիքիշաբաթը

Վիքիմեդիա Հայաստան-ից
Jump to navigation Jump to search
Wikimedia Armenia logo.svg

Ուսուցչական վիքիշաբաթ
«Վիքիմեդիա Հայաստան» գիտակրթական հասարակական կազմակերպություն

Վիքիմեդիա Հայաստանը հոկտեմբերի 29-նոյեմբերի 3-ին Ծաղկաձորում կազմակերպում է թվով 8-րդ վիքիդասընթացն ուսուցիչների համար։ Դասընթացի նպատակն է Հայաստանի բոլոր բնակավայրերում հասանելի դարձնել նորագույն տեխնոլոգիաներով ուսուցումը՝ մասնավորապես Վիքիպեդիայի և մյուս վիքի նախագծերի օգնությամբ։

Դասընթացին կարող են մասնակցել Հայաստանի դպրոցների այն ուսուցիչները, որոնք տիրապետում են համակարգչից օգտվելու հմտություններին, կարող են որակյալ թարգմանություններ կատարել որևէ օտար լեզվից։

Ուսուցչական վիքիսեմինարի խմբակային լուսանկար, հունիս, 2018

Դասընթացի ընթացքում մասնակիցները կսովորեն Վիքիպեդիայի խմբագրման կանոնները և գործիքները, փորձառու խմբագիրների օգնությամբ կստեղծեն կամ կբարելավեն Հայերեն Վիքիպեդիայի հոդվածներ։

Հանգստյան տանը կացության, սննդի և Երևան-Ծաղկաձոր-Երևան տեղափոխման բոլոր ծախսերը հոգում է Վիքիմեդիա Հայաստանը։

Դասընթացից հետո ակնկալվում է, որ մասնակիցները կշարունակեն հարստացնել Հայերեն Վիքիպեդիան և վիքիխմբագրումը կինտեգրեն իրենց դասապրոցեսում։ Այն մասնակիցները, որոնք կշարունակեն համալրել Հայերեն Վիքիպեդիան որակյալ հոդվածներով, դասընթացից կես տարի անց կստանան հավաստագիր առ այն, որ իրենք տիրապետում են վիքի խմբագրման գործիքներին և Վիքի գաղափարախոսության կրողներն են։

Հայտը լրացնելուց խնդրում ենք հատուկ ուշադրություն դարձնել Ձեր կամավորական աշխատանքը և մոտիվացիան նկարագրելուն, քանզի հայտերի ընտրության չափորոշիչներում դրանք առաջնային են։ Ձեզ մաղթում ենք հաջողություն:

Հայտերի ներկայացման վերջնաժամկետը հոկտեմբերի 18-ն է։

OOjs UI icon newWindow-ltr-invert.svgԼրացնել գրանցման հայտը