Նախագծեր/Ուսուցիչների վիքիշաբաթ

Վիքիմեդիա Հայաստան-ից
Jump to navigation Jump to search
ՎԻՔԻԴԱՍԸՆԹԱՑՆԵՐ

Վիքիմեդիա Հայաստան գիտակրթական հասարակական կազմակերպությունը Վիքիպեդիան և մյուս Վիքի նախագծերը Հայաստանի բոլոր բնակավայրերում զարգացնելու, տարածելու, երիտասարդության մասնակցությունը վիքինախագծերին խրախուսելու նպատակով տարին 2 անգամ կազմակերպում է Վիքիպեդիայի դասընթացներ ինչպես ուսուցիչների, այնպես էլ այլ մասնագիտությունների տեր անձանց համար։

Վիքիմեդիա Հայաստան գիտակրթական հասարակական կազմակերպությունը Վիքիպեդիան և մյուս Վիքի նախագծերը Հայաստանի բոլոր բնակավայրերում զարգացնելու, տարածելու, երիտասարդության մասնակցությունը վիքինախագծերին խրախուսելու նպատակով տարին 2 անգամ կազմակերպում է Վիքիպեդիայի դասընթացներ ինչպես ուսուցիչների, այնպես էլ այլ մասնագիտությունների տեր անձանց համար։

Դասընթացի նպատակն է Հայաստանի յուրաքանչյուր բնակավայրի երիտասարդությանը, հատկապես ուսուցիչներին և ավագ դպրոցի աշակերտներին հասանելի դարձնել Վիքիպեդիա և մյուս Վիքի նախագծերին մասնակցությունը։

Վիքիպեդիան կրթական գործիք է համարվում շատ երկրներում, որի օգնությամբ երեխաները ոչ միայն նոր գիտելիք են ձեռք բերում, այլև զարգացնում են իրենց թարգմանչական, խոսքի, մտքի ձևակերպման հմտությունները, սովորելը դառնում է ավելի գրավիչ, խթանող, մարտահրավերային և քիչ ձանձրալի։ Ուստի չափազանց կարևոր է յուրաքանչյուր բնակավայրում վիքի գործիքներին տիրապետող անհատների ներկայությունը։

Վիքիպեդիան բազմալեզու օնլայն ազատ հանրագիտարան է, որը ստեղծվում է կամավորների համագործակցությամբ: Այն օգնում է տեղեկանալ մարդկության պատմության ընթացքում ստեղծված գիտելիքների ողջ պաշարին: Համացանցում հայերենով տեղակատվության առկայությունը լեզվի պահպանման երաշխիքն է, որին հասնելու ուղիներից է դպրոցական հասակից երեխաների մեջ Վիքիպեդիան կարդալու և համալրելու սովորույթի սերմանումը:

Վիքիմեդիա Հայաստանն արդեն հնարավորություն է տվել 300-ից ավել ուսուցչի միանալ ծրագրին, որոնք ավարտելով դասընթացը՝ իրենց համայնքներում ակտիվ գործունեություն են ծավալում՝ ժամանակակից և ոգևորիչ ձևով իրենց աշակերտներին ներգրավելով գիտելիքի ստեղծմանը և դասապատրաստմանը։

Վիքիպեդիա կրթական ծրագիրն աշխարհին (Հայաստանին) տալիս է բոլորի համար ազատ գիտելիք, կարծիքների բազմազանություն, գիտակից քաղաքացիներ։


Հայտարարություններ