Վերահսկող հանձնաժողով/Արձանագրություններ/23.08.2022
ՎԵՐՍՏՈՒԳՈՂ ՀԱՆՁՆԱԺՈՂՈՎԻ ՆԻՍՏԻ ԱՐՁԱՆԱԳՐՈՒԹՅՈՒՆ
օգոստոսի 23, 2022
«Վիքիմեդիա Հայաստան» գիտակրթական հասարակական կազմակերպության (այսուհետ՝ Կազմակերպություն) վերստուգող հանձնաժողովի (այսուհետ՝ Հանձնաժողով) հերթական նիստը տեղի ունեցավ 2022 թվականի օգոստոսի 23-ին՝ առցանց ձևաչափով։ Նիստին մասնակցում էին Հանձնաժողովի բոլոր երեք անդամները՝ Կարեն Տերտերյանը, Արամ Սողոմոնյանը և Սևակ Այվազյանը։ Նիստը վարում էր հանձնաժողովի նախագահ Արամ Սողոմոնյանը:
Օրակարգում ընդգրկված էր 2 հարց՝
- Կազմակերպության գույքի հանձնման-ընդունման հանձնաժողովում ընդգրկվելու համար Վերստուգող հանձնաժողովի ներկայացուցչի հաստատում,
- Ընթացիկ հարցեր:
1. Քննարկեցին - Կազմակերպության գույքի հանձնման-ընդունման գործընթացների համար ձևավորվելիք հանձնաժողովում Վերստուգող հանձնաժողովից ներկայացուցիչ ընդգրկելու համար Հանձնաժողովի մեկ անդամի պատվիրակման հարցը։
Որոշեցին - որպես Վերստուգող հանձնաժողովի ներկայացուցիչ հաստատել Արամ Սողոմոնյանին և Կազմակերպության գույքի հանձնման-ընդունման գործընթացների համար վերջինիս պատվիրակել համապատասխան հանձնաժողով:
Որոշումն ընդունվել է միաձայն (կողմ՝ 3, դեմ` 0, ձեռնպահ` 0):
2. Քննարկեցին - ընթացիկ անելիքների ու ապագա ծրագրերի վերաբերյալ հարցերը:
Որոշեցին -
ա) Հանձնաժողովի լիազորությունների շրջանակում որոշ գործողությունների կատարման նպատակով դիմել Խորհրդի նախագահին՝ ստանալու հասանելիություն նախորդ Հանձնաժողովի էլեկտրոնային նամակագրությանը:
բ) Հանձնաժողովն արդեն ակտիվ մասնակցություն է ունեցել Կազմակերպության նոր Կանոնադրության նախագծի վերաբերյալ քննարկումներին, և կպաշտպանի Կանոնադրության քննարկված տարբերակը առաջիկա Համաժողովի ընթացքում՝ պահպանելով հետագայում Կանոնադրական փոփոխությունների նոր առաջարկներով հանդես գալու իր իրավունքն ու մտադրությունը:
գ) նոր Կանոնադրության ընդունումից հետո Հանձնաժողովը ձեռնամուխ կլինի ներքին փաստաթղթերի (ընթացակարգեր, կանոնակարգեր) վերանայման և բացակայողների մշակման գործընթացին:
Որոշումն ընդունվել է միաձայն (կողմ՝ 3, դեմ` 0, ձեռնպահ` 0):
Հանձնաժողովի նախագահ՝ Արամ Սողոմոնյան
Կազմեց՝ Կարեն Տերտերյան