Նախագծեր/Վիքիհամայնք

ՀԱՄԱՅՆՔԱՅԻՆ ՆԱԽԱԳԾԵՐ

Վիքիմեդիա Հայաստանը համայնքահեն կազմակերպություն է։ Համայնքի ու համայնքային ծրագրերի մասին ավելի մանրամասն․․․

Վիքիկոնֆերանսներ

Վիքիկոնֆերանսը Վիքիմեդիա Հիմնադրամի և Վիքիմեդիա Հայաստանի տարեկան կոնֆերանս է։ Այն ամփոփում է հայկական վիքի համայնքի տարեկան ձեռքբերումները, մշակում է վիքի նախագծերի և ազատ բովանդակության զարգացմանն ուղղված նոր մոտեցումներ։ Այն հնարավորություն է տալիս ծանոթանալ Վիքիմեդիա հիմնադրամի նախագծերին, հայաստանյան և այլ երկրների վիքիպեդիացիների փորձին և ներկայացնել սեփական տեսակետը և գաղափարները։

Միջոցառման նպատակն է աջակցել Վիքիպեդիայի, մյուս Վիքի նախագծերի և ազատ բովանդակության տարածմանը, համալրել հայ վիքիպեդիացիների շարքերը և նպաստել գիտելիքահենք հասարակության կայացմանը Հայաստանում, տարածաշրջանում և սփյուռքում։

Վիքիկոնֆերանս 2012

Առաջին վիքիկոնֆերանսը անցկացվել է 2012 թվականի եպտեմբերի 8-9-ը  «Արմենիա Մարիոթ» հյուրանոցում «Beeline» ընկերության աջակցությամբ։ Սա Վիքիպեդիայի մասնակիցների և Վիքիմեդիա նախագծերով հետաքրքրվողների առաջին միջազգային վիքիհավաքն էր Հայաստանում։ Այն իր բնույթով  առաջին միջազգային կոնֆերանսն էր ոչ միայն Հայաստանում, այլև տարածաշրջանում։ Միջոցառմանը մասնակցում էին Համաշխարհային Վիքիմեդիա Հիմնադրամի, ինչպես նաև Վրաստանի, Ռուսաստանի և Հունգարիայի Վիքիմեդիաների ներկայացուցիչներ։

• 
• 
• 

Վիքիկոնֆերանս 2013

2013 թվականի հոկտեմբերի 5-6-ը Հայաստանի Ամերիկյան Համալասարանի դահլիճում «Վիքիմեդիա» հիմնադրամի աջակցությամբ կազմակերպվեց երկրորդ միջազգային համաժողովը` նվիրված Հայաստանում Վիքի մշակույթի տարածման և հայերեն կրթական ու մշակութային բովանդակության զարգացման խնդիրներին։

Կոնֆերանսին մասնակցում էին Միացյալ Նահանգների, Գերմանիայի, Ֆրանսիայի, Չեխիայի և Ուկրաինայի Վիքիմեդիա կազմակերպությունների խորհրդի անդամներ և տարբեր Վիքի նախագծերի հեղինակներ։ Վիքիկոնֆերանսին հյուրերը ներկայացրեցին իրենց երկրներում Վիքի նախագծերի զարգացման խնդիրներն ու ձեռքբերումները, «Վիքիմեդիա» տարածքային կազմակերպությունների գործունեությունը, ինչպես նաև Վիքի աշխարհի վերջին զարգացումներն ու նորույթները։

• 
• 
• 
• 

Վիքիկոնֆերանս 2015

Վիքիկոնֆերանս Երևան 2015֊ը վիքիմեդիա նախագծերին, ազատ գիտելիքին, ազատ մշակույթին և կրթությանը նվիրված միջազգային կոնֆերանս է Երևանում։ Այն ամփոփում է հայկական վիքի համայնքի տարեկան ձեռքբերումները, մշակում է վիքի նախագծերի և ազատ բովանդակության զարգացմանն ուղղված նոր մոտեցումներ։ Վիքիկոնֆերանսը հնարավորություն է տալիս ծանոթանալ Վիքիմեդիա հիմնադրամի նախագծերին, հայաստանյան և այլ երկրների վիքիպեդիացիների փորձին և ներկայացնել սեփական տեսակետը և գաղափարները։

Միջոցառման նպատակն է աջակցել Վիքիպեդիայի, մյուս Վիքի նախագծերի և ազատ բովանդակության տարածմանը, համալրել հայ վիքիպեդիացիների շարքերը և նպաստել գիտելիքահենք հասարակության կայացմանը Հայաստանում, տարածաշրջանում և սփյուռքում։

Համաժողովը տեղի է ունեցել Մատենադարանում։

Վիքիմեդիա 2030 ռազմավարության հայկական ֆորում

2017 թվականի օգոստոսի 26-ին ՀԲԸՄ հայաստանյան գրասենյակի դահլիճում տեղի ունեցավ Վիքիմեդիա համաշխարհային շարժման մինչև 2030թ. ռազմավարության քննարկում՝ Հայաստանի Վիքիմեդիա համայնքի և կրթության ու գիտության, մշակույթի և արվեստի, ինչպես նաև բարձր տեխնոլոգիաների և բիզնեսի առաջադեմ փորձագետների, հանրային կարծիք ձեւավորող առաջնորդների և ղեկավարների և առանցքային որոշում կայացնողների միջև:

Ռազմավարության հայկական ֆորումի կայք

Կենտրոնական և Արևելյան երկրների Վիքիմեդիա համաժողով

Օգոստոսի 27-29--ին Վիքիմեդիա Հայաստանի եւ Վիքիմեդիա Հիմնադրամի ջանքներով Դիլիջանի միջազգային դպրոցում կազմակերպվել էր Կենտրոնական եւ Արեւելյան Եվրոպայի երկրների Վիքիմեդիա մասնաճյուղերի հինգերորդ ամենամյա համաժողովը։ Համաժողովին ներկա էին վիքիշարժման տարբեր ուղղությունների առաջատար մասնագետները, ինչպես նաև Վիքիմեդիա Հիմնադրամի ղեկավարները՝ գործադիր տնօրեն Կատրին Մաերի գլխավորությամբ։

Հայաստան են ժամանել վիքիպեդիացիներ շուրջ 27 երկրներից՝ Ալբանիա, Ավստրիա, Բելառուս, Բոսնիա եւ Հերցոգովինա, Բուլղարիա, Խորվաթիա, Իրան, Չեխիա, Էստոնիա, Վրաստան, Գերմանիա, Հունաստան, Հունգարիա, Լատվիա, Մակեդոնիա, Մոլդովա, Իտալիա, Լեհաստան, Ռումինիա, Ռուսաստան, Սերբիա, Սլովակիա, Թուրքիա, Ուկրաինա, Իսրայել և ԱՄՆ։

Վիքիգավաթ

Վիքիմեդիա Հայաստան հասարակական կազմակերպության նախաձեռնությամբ 2014 թվականի օգոստոսին ստեղծվեց Վիքիգավաթ, որը շնորհվում է մասնակցին, ում ստեղծած հոդվածը, Հայերեն Վիքիպեդիան վիքիպեդիաների սանդղակում մեկ հորիզոնական վեր է բարձրացնում:

Վիքիպեդիայի օր

Ամեն տարի հունվարի 15-ին բոլոր վիքիպեդիացիներն ամբողջ աշխարհում տոնում են Վիքիպեդիայի օրը։ Այդ ամենից զերծ չեն մնում նաև հայ խմբագիրները։ Տոնակատարությունը տեղի է ունենում ինչպես Վիքիմեդիա Հայաստանի գրասենյակում, այնպես էլ Վիքիակումբներում։ Միջոցառման օրն ամփոփովում են նաև նախորդ տարի Հայերեն Վիքիպեդիայում ընթացած համայնքային և միջազգային համագործակցությունների արդյունքները։ Հայտարարվում է նաև այդ տարվա վիքիպեդիստը։

Տարվա վիքիպեդիստ

Ամեն տարի Վիքիմեդիա Հայաստանի խորհուրդը Հայերեն Վիքիպեդիայի տարվա վիքիպեդիստին, ով նշանակալի ներդրում է ունեցել հանրագիտարանի զարգացման գործում վերջին մեկ տարվա ընթացքում։

Ստորև ներկայացված են Հայերեն Վիքիպեդիայի տարվա վիքիպեդիստները․

• Voskanyan - 2014
• Kareyac - 2015
• ԱշոտՏՆՂ - 2016
• Sigma'am - 2017
• Ավետիսյան91 - 2018