Հայտարարություններ/Համայնքային հավաք/2019/հոկտեմբեր
Համայնքային հավաք
«Վիքիմեդիա Հայաստան» գիտակրթական հասարակական կազմակերպություն
Վիքիմեդիա Հայաստանը հոկտեմբերի 11-13-ը Ծաղկաձորում կազմակերպում է «Համայնքային հավաք»։
Ծաղկաձորյան հավաքի ընթացքում տեղի է ունենալու քննարկումների շարք Վիքիմեդիա Հայաստանին, վիքինախագծերին, վիքիհամայնքին առնչվող տարբեր հարցերի շուրջ, այդ թվում՝ ընթացիկ ծրագրեր, ապագայի պլաններ, վիքինախագծերի ընդլայնում, վիքիհամայնքի առողջացման և զարգացման վերաբերյալ հարցեր, կառավարման աուդիտի եզրակացություն և այլն։
Հավաքի մասնակիցների համար պարտադիր է մասնակցել բոլոր քննարկումներին և միջոցառումներին։ Կարող են մասնակցել Վիքիպեդիայում ակտիվ խմբագրող և 18 տարեկանից բարձր խմբագիրները, Վիքիմեդիա Հայաստանի անդամները։ Մասնակիցների ընտրությունը կատարվելու է ըստ հայտի մոտիվացիայի և Վիքիպեդիայում կատարած ներդրումների։
Հանգստյան տանը կացության, սննդի և Երևան-Ծաղկաձոր-Երևան տեղափոխման բոլոր ծախսերը հոգում է Վիքիմեդիա Հայաստանը։
Գրանցման վերջնաժամկետն է ս․թ․ հոկտեմբերի 3-ը ներառյալ։
