«ՎԵԳԱ» ընկերություն
Վիքիակումբներ ՎԵԳԱ ընկերության հովանավորությամբ
Քարվաճառի վիքիակումբ
2017 թվականի մարտի 15-ին ՎԵԳԱ ընկերության հովանավորությամբ Քարվաճառում բացվել է Վիքիակումբ։ Այլ հովանավորներից տեղեկանալով հնարավոր համագործակցության մասին՝ ՎԵԳԱ ընկերությունը ևս ցանկություն է հայտնել դառնալու Վիքիակումբների հովանավոր։ Արդյունքում բացվել է Արցախի երրորդ վիքիակումբը։
Ակումբի համակարգող Թամարա Գրիգորյանը Արցախպրեսին տված հարցազրույցում ասել է, որ մինչև ակումբի բացվելը շատերն են ցանկություն հայտնել մասնակցելու, սակայն շենքային պայմաններ և համակարգիչներ չունենալու պատճառով չեն կարողացել բոլորին ընդգրկել։
Մեդիամաքսին տված հարցազրույցում «Վիքիմեդիա Հայաստան» ՀԿ նախագահ Սուսաննա Մկրտչյանն պատմել է,-«Վիքիակումբների ծախսը մեծ չէ: Գտնում ենք հովանավոր, որը գնում է համակարգիչներ եւ կահավորում: Հովանավորներ գտնելու դեպքում ակումբների թիվը կարող ենք ավելացնել: Երեխաները հաճույքով են մասնակցում ակումբի աշխատանքներին, ամենաակտիվ խմբագիրները նաեւ մեկնում են Վիքիճամբարներ»:
Հացիկի վիքիակումբ
ՎԵԳԱ ընկերության հովանավորությամբ երկրորդ Վիքիակումբը բացվել է 2018 թվականի հուլիսի 5-ին Շիրակի մարզի Հացիկ գյուղում։ Ակումբը համակարգում է Լիլիթ Սուքիասյանը։