Հայտարարություններ/ՎիքիՏավուշ/2019/Վիքիդասընթաց

Վիքիմեդիա Հայաստան-ից
Jump to navigation Jump to search
Wikimedia Armenia logo.svg

Տավուշի մարզի ուսուցիչների դասընթաց
«Վիքիմեդիա Հայաստան» գիտակրթական հասարակական կազմակերպություն

Վիքիմեդիա Հայաստանի և Տավուշի մարզպետարանի համագործակցության շրջանակներում նոյեմբերի 23-24-ը Վիքիմեդիա Հայաստանը Երևանի պետական համալսարանի Իջևանի մասնաճյուղում (ՀՀ Տավուշի մարզ, ք. Իջևան, Ուսանողական 3) կազմակերպում է «Վիքիպեդիան և Կրթությունը» երկրորդ դասընթացը Տավուշի մարզի ուսուցիչների համար։ Դասընթացի նպատակն է Տավուշի մարզի բոլոր բնակավայրերում հասանելի դարձնել նորագույն տեխնոլոգիաներով ուսուցումը՝ մասնավորապես Վիքիպեդիայի և մյուս վիքինախագծերի օգնությամբ։

Ովքե՞ր կարող են մասնակցել

Դասընթացին կարող են մասնակցել Տավուշի մարզի դպրոցների բոլոր ուսուցիչները՝ անկախ տվյալ դպրոցում վիքիակումբ գործելու և համակարգող լինելու հանգամանքից։ Խնդրում ենք գրանցվել միայն այն ուսուցիչներին, որոնք տիրապետում են համակարգչից օգտվելու հմտություններին, կարող են որակյալ թարգմանություններ կատարել որևէ օտար լեզվից։

Ի՞նչ կստանան մասնակիցները

Դասընթացի ընթացքում փորձառու մասնակիցները հնարավորինս ամբողջական գիտելիք կստանան Վիքիմեդիա շարժման, գաղափարախոսության, Վիքիպեդիայի, Վիքիբառարանի և Վիքիտվյալների վերաբերյալ։

Նորեկ մասնակիցները կսովորեն Վիքիպեդիայի խմբագրման կանոնները և գործիքները, փորձառու խմբագիրների օգնությամբ կստեղծեն կամ կբարելավեն Հայերեն Վիքիպեդիայի հոդվածներ։

Մանրամասնություններ

Դասընթացը կտևի երկու օր՝ շաբաթ օրը՝ 10:00 - 18:00, կիրակի՝ 9:00 - 17:00-ը։

Վիքիմեդիա Հայաստանը կհոգա միայն ընդմիջման սնունդը։

Դասընթացից հետո ակնկալվում է, որ մասնակիցները նորարական կրթության այս բաղադրիչը կդարձնեն իրենց գիտելիքների բարելավման հարթակ, ինչպես նաև դրան մասնակից կդարձնեն իրենց աշակերտներին։

Գրանցման վերջնաժամկետն է ս․թ․ նոյեմբերի 17-ը ներառյալ։

OOjs UI icon newWindow-ltr-invert.svgԼրացնել գրանցման հայտը