Ծանուցում Վիքիմեդիա Հայաստանի կարգավիճակի մասին
Jump to navigation
Jump to search
Ծանուցում Վիքիմեդիա Հայաստանի կարգավիճակի մասին
Մայիսի 10-ին Վիքիմեդիա հիմնադրամը պաշտոնապես տեղեկացրել է Վիքիմեդիա Հայաստանին վերջինիս գործունեության ժամանակավոր դադարեցման մասին։ Ստորև կարող եք տեսնել Affcom-ի բարձրացրած խնդիրները։
Affcom-ի պահանջների մեջ են մտնում կազմակերպության խնդիրների լուծմանը միտված մի շարք միջոցառումներ, որոնց հիման վրա Վիքիմեդիա Հայաստանը կազմել է գործողությունների ծրագիր, որը ևս կարող եք տեսնել ստորև։
Վիքիմեդիա Հայաստանը գործունեության դադարի շրջանում
- որևէ ֆինանսական աջակցություն չի ստանալու Վիքիմեդիա հիմնադրամից,
- չի կարողանալու մասնակցել Վիքիմեդիա հանրության միջազգային հավաքներին,
- չի կարող հանդիսանալ ֆինանսական հովանավոր (fiscal sponsor) համայնքի անդամների դրամաշնորհների համար։
Վիքիմեդիա Հայաստանը կկարողանա կրկին դիմել ֆինանսավորման միայն այն դեպքում, երբ
- լուծումներ տա Affcom-ի ներկայացրած էտապային խնդիրներին
- Գործողությունների ծրագիր,
- Խնդիրների վերաբերյալ ծանուցում համայնքին,
- Ակտիվ խմբագիրների ներգրավվածության և կազմակերպության բարելավված կարողությունների ծրագրի ներկայացում Affcom-ին,
- Ֆինանսական հաշվետվություն, եթե կազմակերպությունը ցանկանում է դիմել դրամաշնորհի,
- Վերը թվարկված գործողությունների մասին հաշվետվության ներկայացում Affcom-ին և Համայնքային ռեսուրսների թիմին մինչև օգոստոսի 10-ը,
- ներկայացնի ծախսերի հաշվետվություն։
Վերը նշված քայլերը չիրականացնելու և խնդիրները չլուծելու դեպքում նոյեմբերի 10-ին Վիքիմեդիա հիմնադրամը չեղյալ է հայտարարելու Վիքիմեդիա Հայաստանի հետ 2014 թվականին կնքված Համաձայնագիրը, և Վիքիմեդիա Հայաստանը դադարելու է լինել Հիմնադրամի կողմից ճանաչված կազմակերպություն։
Եթե Վիքիմեդիա Հայաստաի պատրաստակամ չէ կամ չի կարող իրականացնել վերը նշված քայլերը, Վիքիմեդիա հիմնադրամի այլընտրանքային առաջարկներից է վերակազմակերպել խումբը և վերածվել Wikimedia User Group-ի։
Affcom-ի կողմից Վիքիմեդիա Հայաստանին ներկայացված խնդիրներ
- Կանոնադրական փոփոխություններ առանց Affcom-ի հաստատման
- Կառավարման խնդիրներ․ անդամների հեռացում, Վիքիակումբների փակում առանց ծանրակշիռ հիմքերի
- Միջոցառումների բնույթ․ «զգայուն ժամանակաշրջանում» անընդունելի միջոցառումների կազմակերպում, ինչպիսիք են ռազմական միջոցառումները։
- COVID-19-ի անվտանգության ապահովման ոչ արդյունավետ կանոնակարգեր
- Հաշվետվությունների անհամապատասխաննություններ․ Միջոցառումների հաշվետվություններում թափանցիկության պակաս, ինչպես նաև հայալեզու համայնքի հետ տեղեկությունների տրամադրման թափանցիկության պակաս
- Սոցիալական մեդիայում մասնակիցների (անչափահասների) ինքնության հրապարակման հետ կապված անուշադրություն
- Խնդիրներ հաստատված ընտրական գործընթացին և քվեարկության ձևաչափին հետևելու հետ կապված
- Առաջարկություններին չհետևելու խնդիր․ կազմակերպությանը ներկայացվել է պահանջ՝ փոխելու ամբողջ Խորհուրդը, մինչդեռ Նախագահի փոփոխությունը չի կատարվել մինչև 2022 թվականի ապրիլ։
Գործողությունների ծրագիր
| № | Միջոցառման անվանում | Ժամկետներ | Նշումներ | Կարգավիճակ |
|---|---|---|---|---|
| 1 | Տարբեր պատճառներով կազմակերպությունը լքած անդամներին անդամություն վերակիանգնելու հրավեր ուղարկել | Մինչև ապրիլի 17 Affcom-ին տեղեկացնել արդյունքների մասին մինչև մայիսի վերջ |  Արված է
| |
| 2 | Գործողությունների ծրագրի ներկայացում Affcom-ին | Մինչև մայիսի 31 | Արված է
| |
| 3 | Համայնքին տեղեկացում Վիքիմեդիա Հայաստանի գործունեության ժամանակավոր դադարեցման մասին | Մինչև մայիսի 31 | Արված է
| |
| 4 | Ֆինանսական հաշվետվությունների ներկայացում Affcom-ին | Մինչև մայիսի 30 | Արված է
| |
| 5 | Աշխատակազմը ազատվում է աշխատանքից | Հունիսի 1 | Արված է
| |
| 6 | Համաժողովի հրավիրում
Affcom-ից ներկայացուցչի մասնակցություն Համաժողովին |
|
Կազմակերպության նախագահի և Վերաստուգող հանձնաժողովի ընտրություն
ՕՐԱԿԱՐԳ
*Վերստուգող հանձնաժողովի անդամների ժամկետն ավարտվում է հունիսի վերջին։ |
Արված է
|
| 7 | Affcom-ից ստանալ կանոնադրության վերանայված տարբերակի մասին մեկնաբանություններ | Մինչև մայիսի 15 | Արված է
| |
| 8 | Ակտիվ խմբագիրների ներգրավվածության և կազմակերպության բարելավված կարողությունների ծրագրի ներկայացում Affcom-ին | Մինչև հունիսի 30 | Պահանջ՝ Նվազագույնը 20 ակտիվ խմբագիր-անդամների աջակցություն (առնվազն 300 ներդրում Վիքիմեդիա նախագծերում նվազագույնը 6 ամիս գոյություն ունեցող հաշվից) Արդյունք՝ 32 վիքիխմբագիր իրենց աջակցությունն են հայտնել Վիքիմեդիա Հայաստանին, նրանցից 22-ը «Վիքիմեդիա Հայաստան» ԳՀԿ-ի անդամ են։ |
Արված է
|
| 9 | Affcom-ի կողմից առաջարկված կանոնադրական փոփոխությունների քննարկում և իրականացում։ Եվս մեկ հաստատում Affcom-ից | Մայիս-հունիս | Տե՛ս թարմացումներ բաժնում | Արված է
|
| 10 | Կանոնադրության ներկայացում կազմակերպության անդամներին | Հունիս | Արված է
| |
| 11 | Կանոնադրության հաստատման համար Արտահերթ համաժողովի հրավիրում | Մինչև հուլիսի 15 | Արված է
| |
| 12 | Կանոնադրության գրանցում Իրավաբանական անձանց պետական ռեգիստրի գործակալության կողմից | Հուլիս-օգոստոս | Արված է
| |
| 13 | Կանոնադրության պաշտոնական թարգմանության տրամադրում Affcom-ին | Օգոստոս | Արված է
| |
| 14 | Տարբեր կանոնակարգերի մշակում | Օգոստոս | Արված է
| |
| 15 | Գործողությունների ծրագրում ներկայացված կետերի իրականացման վերաբերյալ հաշվետվության ներկայացում Affcom-ին | Օգոստոսի 10 | Արված է
| |
| 16 | ա) Քննարկում Affcom-ի հետ նոր խորհրդի ընտրության վերաբերյալ
բ) համաձայնության դեպքում Արտահերթ համաժողովի գումարում |
ա) Հուլիս-օգոստոս
բ) Սեպտեմբեր |
Արված է
|
Թարմացումներ
- Գործողությունների ծրագրի 6-րդ կետում՝ Համաժողովի անցկացման օրերի և օրակարգի հատվածում, կատարվել են փոփոխություններ։
- Խորհուրդը քննարկել է Affcom-ի առաջարկած փոփոխությունները, ըստ այդմ կատարել է համապատասխան փոփոխություններ և ուղարկել է Affcom-ին։ Վերանայումից հետո դրական արձագանքի դեպքում անցում կկատարվի հաջորդ Գործողությունների պլանի հաջորդ կետին։
- Հունիսի 15-ին տեղի ունեցած Համաժողովի ընթացքում հնարավոր չեղավ ընտրել կամզակերպության նախագահ և Վերահսկիչ հանձնաժողովի անդամներ: Քվեարկության ձևաչափը եղել է փակ: Կազմակերպության նախագահի թեկնածուներից երկուսը հավաքել են հավասար թվով ձայներ, սակայն նրանցից մեկի՝ Վահագն Փիլիպոսյանի թեկնածության վերաբերյալ Affcom-ը Համաժողովից առաջ հայտնել էր իր որոշումը, այն է՝ նա չի կարող լինել թեկնածու: Համաժողովին մասնակցում էին նաև դիտորդներ Affcom-ից:
- Հունիսի 21-ին տեղի ունեցավ Համաժողովի արտահերթ երկրորդ փուլը: Համաժողովը որոշեց, որ քվեարկության ձևաչափը լինելու է բաց: Կազմակերպության նախագահի երկու թեկնածուներից՝ Արամ Սողոմոնյան և Արշակ Շահինյան, նախագահ ընտրվեց Արշակ Շահինյանը: Վերահսկիչ հանձնաժողովի անդամներից մեկի ժամկետը լրացել էր, անդամներից Նորայր Բաղդասարյանը հրաժարական տվեց: Արդյունքում՝ Վերահսկիչ հանձնաժողովը Համաժողովի որոշմամբ լուծարվեց: Համաժողովի ընթացքում առաջադրված 4 թեկնածուներից ընտրվեցին երեքը՝ Կարեն Տերտերյան, Արամ Սողոմոնյան և Սևակ Այվազյան: Համաժողովի արտահերթ երկրորդ փուլին մասնակցում էր նաև դիտորդ Affcom-ից:
- Կանոնադրության փոփոխության շուրջ քննարկումները կազմակերպության անդամների հետ շարունակվում են: Նախատեսված էր մինչև հուլիսի 15-ը իրականացնել Արտահերթ համաժողով կանոնադրության հաստատման համար, սակայն ընթացող քննարկումների ձգձգվելու պատճառով, որոշվեց հետաձգել: Վիքիմեդիա Հայաստանը դիմել է Affcom-ին՝ տեղեկացնելով հնարավոր հետաձգման մասին: Արդյունքում՝ ստացվել է դրական պատասխան:
- Վիքիմեդիա Հայաստան ԳՀԿ-ն AffCom-ից ստացել է նամակ այն մասին որ կանոնադրության վերջին թարմացումները բարեհաջող ընդունվել են, և այս քայլը նույնպես համարվում է լիովին կատարված և հաստատում, որ կազմակերպության ֆինանսական գործունեության արգելքը հանված է։